အာဂျင်တီးနားအသင်းခေါင်းဆောင် မက်ဆီဟာ အာဂျင်တီးနားအသင်းက ကနေဒါအသင်းကို ၂ ဂိုး-ဂိုးမရှိနဲ့ အနိုင်ရခဲ့တဲ့ ၂၀၂၄ ကိုပါအမေရိကဖလားအဖွင့်ပွဲစဉ်မှာ ပါဝင်ကစားပြီးနောက် စံချိန်သစ်တွေ ရေးထိုးနိုင်ခဲ့ပါတယ်။
မက်ဆီဟာ ဒီပွဲမှာ ပါဝင်ကစားခဲ့တာကြောင့် ကိုပါအမေရိက ပြိုင်ပွဲမှာ ၃၅ ပွဲနဲ့ ပွဲအရေအတွက်အများဆုံးကစားထားတဲ့ ကစားသမားအဖြစ် စံချိန်သစ်တင်နိုင်ခဲ့ပါတယ်။ဒါ့အပြင် မက်ဆီဟာ ကိုပါအမေရိကပြိုင်ပွဲကို ၇ ကြိမ်မြောက်အဖြစ် ဝင်ရောက်ကစားခဲ့တာကြောင့် အာဂျင်တီးနားကစားသမားတွေထဲမှာ အရေအတွက်အများဆုံး ကစားသမားဖြစ်ခဲ့တာပါ။
မက်ဆီဟာ ကနေဒါအသင်းနဲ့ပွဲမှာ အာဂျင်တီးနားအသင်းအတွက် ဂိုးမသွင်းနိုင်ခဲ့ပေမယ့် လောတရိုမာတီးနက်ဇ်သွင်းယူတဲ့ဂိုးကို ဖန်တီးပေးနိုင်ခဲ့ပါတယ်။အဲ့ဒါကြောင့် မက်ဆီဟာ မတူညီတဲ့ ကိုပါအမေရိကဖလားပြိုင်ပွဲ ၇ ကြိမ်မှာ ဂိုးဖန်တီးနိုင်တဲ့ ပထမဆုံးကစားသမားလည်း ဖြစ်လာခဲ့တာပါ။
အာဂျင်တီးနားအသင်းဟာ အုပ်စုဒုတိယပွဲစဉ်အဖြစ် ဇွန် ၂၆ ရက်မှာ ချီလီအသင်းနဲ့ ယှဉ်ပြိုင်ရမှာဖြစ်ပါတယ်။
