အဲဗာတန်အသင်းဟာ သူတို့ရဲ့နောက်ခံလူ ဘရန်ဝိတ်အတွက် ယူနိုက်တက်အသင်းဆီကနေ အနည်းဆုံးပြောင်းရွှေ့ကြေး ပေါင်သန်း ၈၀ လိုချင်နေတယ်လို့ ဗြိတိန်မီဒီယာတွေက ဖော်ပြထားပါတယ်။
![](https://www.ballpwel.com/wp-content/uploads/2024/06/GettyImages-2150126723-1024x538.webp)
ယူနိုက်တက်အသင်းဟာ ဘရန်ဝိတ်ကို ခေါ်ယူနိုင်ဖို့အတွက် ကစားသမားနဲ့ ပုဂ္ဂိုလ်ရေးဆိုင်ရာ သဘောတူညီမှုရရှိခဲ့ပြီးဖြစ်တဲ့အတွက် နွေရာသီအပြောင်းအရွှေ့စတင်ဖွင့်တာနဲ့ အပြောင်းအရွှေ့အတွက် အဲဗာတန်အသင်းနဲ့ စကားပြောဆိုဖို့ ရည်ရွယ်ထားတာပါ။အဲဗာတန်အသင်းဟာ ပြီးခဲ့တဲ့ရာသီက ခြေစွမ်းပြသနိုင်ခဲ့တဲ့ ဘရန်ဝိတ်ကို မရောင်းချချင်ဘဲ အသင်းမှာဆက်ပြီးထိန်းသိမ်းချင်နေတာဖြစ်ပါတယ်။
ဒါပေမယ့် ယူနိုက်တက်အသင်းဟာ ရာသီသစ်အတွက် ဗဟိုနောက်ခံလူတစ်ဦးခေါ်ယူဖို့ အဓိကပစ်မှတ်အဖြစ် သတ်မှတ်ထားတာကြောင့် ဘရန်ဝိတ်ကို ခေါ်ယူနိုင်ဖို့ ကြိုးပမ်းနေတာပါ။ယူနိုက်တက်အသင်းဟာ ပြီးခဲ့တဲ့ရာသီက ဗဟိုနောက်ခံလူအများအပြားဒဏ်ရာတွေရခဲ့လို့ ရလဒ်ကောင်းရဖို့ ရုန်းကန်ခဲ့ရတာဖြစ်ပါတယ်။အဲ့ဒါကြောင့်လည်း ဗဟိုနောက်ခံလူ ခေါ်ယူဖို့က သူတို့ရဲ့ဦးစားပေးပစ်မှတ်ဖြစ်ခဲ့ပါတယ်။
![](https://www.ballpwel.com/wp-content/uploads/2024/06/Everton.jpg)
ယူနိုက်တက်အသင်းတာဝန်ရှိသူတွေဟာ ဘရန်ဝိတ်ကို ခေါ်ယူနိုင်ဖို့ အမြန်ဆုံးလုပ်ဆောင်နေပြီး ရာသီသစ်အတွက် လေ့ကျင့်မှုတွေပြန်လည်စတင်မယ့် အချိန်မှာ အသင်းနဲ့ပူးပေါင်းနိုင်ဖို့ မျှော်လင့်နေတာဖြစ်ပါတယ်။