အီတလီအသင်းနည်းပြ စပယ်လက်တီဟာ ယူရို ၂၀၂၄ ပြိုင်ပွဲဝင်မယ့် သူ့ရဲ့အသင်းကို ပြိုင်ပွဲမှာ အောင်မြင်မှုရယူနိုင်ဖို့အတွက် တင်းကျပ်တဲ့စည်းမျဉ်း ၅ ခုထုတ်ပြန်ခဲ့ပါတယ်။
![](https://www.ballpwel.com/wp-content/uploads/2024/06/spalletti-1024x690.jpg)
အီတလီအသင်းဟာ ယူရိုပြိုင်ပွဲမှာ လက်ရှိချန်ပီယံဖြစ်ပေမယ့် ဒီနှစ်ပြိုင်ပွဲမှာတော့ ဗိုလ်စွဲဖို့ ရေပန်းစားမှုနည်းပါးတာပါ။မန်ချီနီရဲ့နေရာမှာ အစားထိုးဝင်ရောက်ပြီး ၂၀၂၃ ခုနှစ် ဩဂုတ်လက အီတလီအသင်းကို စတင်ကိုင်တွယ်ခဲ့တဲ့ နည်းပြ စပယ်လက်တီကတော့ အသင်းအောင်မြင်မှုတွေရယူနိုင်ဖို့အတွက် တင်းကျပ်တဲ့ စည်းမျဉ်း ၅ ခုကို ထုတ်ခဲ့တာဖြစ်ပါတယ်။
ဒီစည်းမျဉ်းတွေကတော့ အသင်းသားတွေဟာ အစည်းအဝေးကို နောက်ကျခွင့်မရှိပါဘူး။နောက်တစ်ခုက နေ့လယ်စာနဲ့ ညစာစားချိန်တွေမှာ ဖုန်းအသုံးပြုခွင့်မပေးတာဖြစ်ပါတယ်။နောက်တစ်ခုက နားကြပ်အသုံးပြုခွင့်ကိုလည်း ပိတ်ပင်ထားပါတယ်။နောက်တစ်ခုက အသင်းဖော်တွေကြားထဲမှာ အလွန်အကျွံနောက်ပြောင်တာကိုလည်း ပြုလုပ်လို့မရပါဘူး။နောက်ဆုံးတစ်ခုကတော့ ဘယ်အခန်းကိုမှ PlayStation အသုံးပြုခွင့်မပေးထားတာဖြစ်ပါတယ်။
![](https://www.ballpwel.com/wp-content/uploads/2024/06/dims.apnews-1-1024x709.webp)
ယူရို ၂၀၂၄ ပြိုင်ပွဲမှာ ချန်ပီယံဆုကာကွယ်ရမယ့် အီတလီအသင်းဟာ စပိန်၊ခရိုအေးရှား၊အယ်လ်ဘေးနီးယားတို့နဲ့ တစ်အုပ်စုတည်းကျရောက်နေတာဖြစ်ပါတယ်။