ဆလိုဗေးနီးယားအသင်းကို ပင်နယ်တီအဆုံးအဖြတ် ၃ ဂိုး-ဂိုးမရှိနဲ့ အနိုင်ရခဲ့တဲ့ ယူရို ၂၀၂၄ ပြိုင်ပွဲ ၁၆ သင်းအဆင့်မှာ ပေါ်တူဂီအသင်းရဲ့နိုင်ပွဲအတွက် အဓိကကျတဲ့သူတော့ ဂိုးသမား ဒီယေဂိုကော်စတာဖြစ်ပါတယ်။
![](https://www.ballpwel.com/wp-content/uploads/2024/07/Sports.jpg)
သူဟာ ပွဲချိန်အတွင်းနဲ့ အချိန်ပိုမှာ ဆလိုဗေးနီးယားအသင်းဂိုးရနိုင်မယ့် အခွင့်အရေးတွေကို ကာကွယ်ခဲ့သလို ပင်နယ်တီအဆုံးအဖြတ်မှာ ပေါ်တူဂီအသင်းအတွက်ဟီးရိုးဖြစ်ခဲ့တာပါ။ဒီယေဂိုကော်စတာဟာ ပင်နယ်တီအဆုံးအဖြတ်မှာ ဆလိုဗေးနီးယားအသင်းကန်သွင်းတဲ့ ပင်နယ်တီ ၃ ကြိမ်စလုံးကို ကာကွယ်သွားနိုင်ခဲ့တာဖြစ်ပါတယ်။
အဲ့ဒါကြောင့် ဒီယေဂိုကော်စတာဟာ ယူရိုပြိုင်ပွဲသမိုင်းမှာ ပင်နယ်တီ ၃ ကြိမ်ကာကွယ်နိုင်တဲ့ ပထမဆုံးဂိုးသမားအဖြစ် စံချိန်တင်နိုင်ခဲ့ပါတယ်။ပေါ်တူဂီအသင်းကို ယူရိုပြိုင်ပွဲရဲ့ကွာတားဖိုင်နယ်အဆင့်ကို ရောက်ရှိအောင် ပို့ဆောင်ပေးနိုင်ခဲ့တဲ့ ဒီယေဂိုကော်စတာဟာ ဒီပွဲစဉ်ရဲ့အကောင်းဆုံးကစားသမားဆုကိုလည်း ရရှိခဲ့ပါတယ်။
![](https://www.ballpwel.com/wp-content/uploads/2024/07/portugal_v_slovenia_round_of_16_-_uefa_euro_2024-1024x576.jpeg)
ပေါ်တူဂီအသင်းဟာ ကွာတားဖိုင်နယ်မှာ ပြင်သစ်အသင်းနဲ့ ယှဉ်ပြိုင်ရမှာဖြစ်ပြီး ဒီယေဂိုကော်စတာအနေနဲ့ ဒီပွဲမှာရော အကောင်းဆုံးလက်စွမ်းတွေပြသနိုင်ဦးမလားဆိုတာ စောင့်ကြည့်ရမှာဖြစ်ပါတယ်။